Бууцагаан сумын иргэдийн Төлөөлөгчдийн Хурлаас  багийн Иргэдийн Нийтийн хурал хуралдуулах тов, хэлэлцэх асуудлыг 7 хоногийн өмнө зарлаж 2017 оэы 04 дүгээр сарын 26-наас 04 дүгээр сарын 29 -ны хооронд 1,2,3,4,5 дугаар багийн хурлуудыг багийн төвд нь зохион байгуулав. Хурлуудад Сумын Иргэдийн Төлөөлөгчдийн Хурлын дарга Х.Дагвадорж, Засаг дарга Ж.Алтанцэцэг Аймгийн Засаг даргын орлогч Батсуурь,, Хурлын ажлын алба, Тамгын газрын албан хаагчид оролцсон байна. Хурлуудад цаг үеийн ажлыг эрчимжүүлэх, гэмт хэргээс урьдчилан сэргийлэх, малын хулгайтай тэмцэх,2 багийн 4 хэсэг газарт нөхөн сэргээлт хийх  талаар хэлэлцүүлэг өрнүүлж, Монголыг улаан загалмайн нийгэмлэгийн эрх зүйн байдлын тухай хууль, дүрэм, журам, гишүүнээр элсэж татвар төлөхийн ач холбогдол цаашид хэрэгжүүлэх ажил, Малын индессжүүлсэн даатгал, "Давхар даатгал" ХК-аас улс орон даяар хэрэгжүүлж  байгаа ажил даатгалын компани малчид хоорондын уялдаа холбоо сүүлийн жилүүдийн сумын хэмжээнд бий болсон ололт амжилтууд, сумын Засаг даргын 2017 оны эрх зүйн орон тооны бус алба байгуулж ажилласан хугацааны үр дүнгийн талаар дэлгэрэнгүй мэдээлэл өгч Мал эмнэлэг үржлийн тасгийн мэргэжилтэн, нийгмийн даатгалын байцаагч, Газрын даамал, Татварын байцаагч, Цагдаагийн тасгийн цагдаа нараас эрх зүйн сургалт сурталчилгаа хийж 400 орчим гарын авлага, зөвлөмж түгээлээ.Энэ удаагийн хурлуудаар хэд хэдэн чухал асуудлыг хэлэлцэн шийдвэрлэв. 5 дугаар багийн хөдөлмөрчид багийн хэмжээнд архи согтууруулах ундаа худалдахыг бүр мөсөн хориглож, 2 хэсэг газарт нөхөн сэргээлт хийхээр болов, 4 дүгээр багт 2 хэсэг газарт нөхөн сэргээлт хийхэд иргэд 100 хувийн саналаар дэмжив.