Тус сумын Ахмадын холбооноос ахмад настны дунд зохион байгуулагдах "Дуун цэнгүүн" ажиллагаа энэ 5 дугаар сарын 01-ны өдөр "Хөх тэнгэр" соёлын төвд нээлтэй хийлээ. Уг ажиллагаанд 40 орчим ахмад настнууд цугларч дуу дуулцгаан бүжиг бүжиглэж нэгэн оройг хамгийн аз жаргалтай өнгөрөөв. Нээлтийн ажиллагаанд тус сумын Засаг дарга Ж.Алтанцэцэг, Иргэдийн Төлөөлөгчдийн Хурлын Тэргүүлэгчдийн нарийн бичгийн дарга Д.Эрдэнэдалай нар оролцон төр засгаас сүүлийн үед ахмадуудын талаар авч хэрэгжүүлж байгаа ажил, шинээр гарсан хууль тогтоомжийн  талаар мэдээлэл хийж сумын хэмжээнд анх удаа зохион байгуулагдаж буй энэ ажиллагаа дэмжин сумын Иргэдийн Төлөөлөгчдийн Хурлын дарга  100000 төгрөг, нарийн бичгийн дарга 50000 төгрөгийг хувиасаа хандивлаж, сумын Засаг дарга орон нутгийн төсвийн хэмнэлтийн 1 хувийг жил бүр ахмадын холбооны дансанд төвлөруулж байхаар шийдвэрлэв.