Тус сумын Засаг даргын 2017 оны А/17 тоот захирамжийн дагуу эрх зүйн орон тооны бус алба байгуулагдсааг 6 сарын хугацаа өнгөрсөн хэдий ч амжуулсан ажил их байна. Албаны ажиллах журмыг хууль тогтоомжид нийцүүлэн гаргаж, 2017 онд сумын иргэдийн дунд эрх зүйн боловсрол олгох, аж ахуй нэгж байгууллага, иргэдэд эрх зүйн зөвлөгөө туслалцаа үзүүлэх, аж ахуй нэгж байгууллагын үйл ажиллагаанд төлөвлөгөөт болон удирдамжтай шалгалт хийх, албан газар байгууллагын дарга, захирал, эрхлэгч нараас гаргасан тушаал шийдвэрий боловсруулалт баталгаажуулалт, хууль тогтоомж эрх зүйн актын үндэслэл,  үг үсэг утга найруулгын алдаа зэрэгт хяналт хийх, иргэд хөдөлмөрчдийн дунд төрийн хууль тогтоомж, эрх зүйн актаар сургалт сурталчилгаа зохион байгуулах чиглэлээр 24 зорилт бүхий нэгдсэн төлөвлөгөө гарган хэрэгжүүлээд байна. Тайлант хугацаанд нийт 51 хүнд эрх зүйн зөвлөгөө туслалцаа үзүүлж зохион байгуулалтай арга хэмжээ 9 удаа зохион байгуулж давхардсан тоогоор 1000 орчим иргэдэд сургалт сурталчилгаа хийж, 10 гаруй төрлийн 1200 гаруй ширхэг гарын авлага,зөвлөмж бэлтгэн иргэдэд түгээснээс гадна, 12 жилийн дунд сургуулийн 80 орчим хүүхдүүдийн дунд гэмт хэргийн гаралтыг бууруулах талаар 10 асуулт бүхий санал асуулга явуулж, дунд ангийн сурагчдын дунд дэвжээ, АСТ-ын тэмцээн зохион байгуулж үр дүнг түүцсон байна. Одоогоор алба нь хуульч, эрх зүйн мэргэжилтэй 5 хүний бүрэлдэхүүнтэй бөгөөд орон тооны бус албаны  даргаар сумын Иргэдийн Төлөөлөгчдийн Хурлын нарийн бичгийн дарга ажиллаж байна.