Тус суманд хэрэгжихээр зөвшөөрөгдсөн "Төлөөллийн байгууллагад иргэдийн оролцоо, хяналтыг сайжруулах нь" төсөл нь энэ ондоо хэрэгжихээр болсон бөгөөд энэхүү төсөлд нийт 910 гаруй хүн хамрагдаж орон нутагт нутгийн захиргааны болон өөрөө удирдах ёсны байгууллагын үйл ажиллагаанд оролцох иргэдийн оролцоог нэмэгдүүлэх, хяналт шалгалтын аливаа ажиллагаанд иргэний байгууллагыг түлхүү оруулах дүн мэдээллийг ил тод, нээлттэй болгох урьд гаргасан алдаа дутагдлыг засах, цаашид үйл ажиллагааны үр дүн болон төсвийн болоод төрийн өмчийн эзэмшилт, ашиглалт, захиран зарцуулалтанд иргэдээс тавих хяналтыг өргөжүүлэх, энэ зорилтын хүрээнд сумын Эмэгтэйчүүдийн хөгжлийн хөтөлбөр боловсруулж хэрэгжүүлэх, нутаг дэвсгэрийн хэмжээнд дагаж мөрдөх хяналт шалгалтын нэгдсэн журам батлан гаргаж мөрдөх гэсэн 2 томоохон үр дүнтэй бүтээгдэхүүнийг бий болгоход хөтөлбөрийн гол зорилго оршино. Хөтөлбөрийн хүрээнд 3 доошгүй удаа хэлэлцүүлэг 6 доошгүй удаа зохион байгуулалттай сургалт явагдаж, 2000 доошгүй  хуудас бүхий гарын авлага, зөвлөмж, санамж, тарааж өгөх материал түгээж 1,0 сая орчим төгрөгний шатахууны зардал гаргахаар тооцсон байна. Төслийг үр дүнтэй хэрэгжүүлэхэд иргэдийн оролцоо их бөгөөд энэ онд эмэгтэйчүүдийн оролцоог харицангүй өндөр хувьтай байхаар тооцоолсон байна.