Орон нутагт хяналт суларснаас хариуцлагагүйн зүд нүүрэлснээс. 2015-2016 онд тус суманд орон нутгийн хөгжлийн сангаар дамжин 1 тэр бум гаран төгрөний санхүүжилт хийгдсэн боловч өнөөдөр нэг ч жижиг дунд үйлдвэргүй, ажилгүй залуучуудын тоо улсын дундажаас давсан, олон тооны эзэнгүйдсэн барилга байшинтай, иргэд нь ядууралд орсон үйлдэрлэл үйлчилгээнээс орох орлого их хэмжээгээр буурсан, төсөвт байгууллагуудын хэвийн ажиллагаа алдагдсан, хариуцлага сахилгагүй байдал газар авсан, хууль журам үйлчлэхгүй болсон  нийгэм эдийн засгийн хөгжил нь суларсан орон нутгийг Одооны ИТХ,Засаг дарган Тамгын газар хүлээн авсан бөгөөд нааштай өөрчлөлтүүд богино хугацаанд гарч байгаад ард иргэд итгэлтэй байна. Санхүүгийн тасгаас гаргасан тайланг харахад уг мөнгийг эзэн олгосон дүр эсгэж ах дүү төрөл садан намынхаа нөхдөд  хуваарилан тараасан хууль зөрчсөн ажиллагаа цаасан дээр үлджээ.Гэтэл улс, аймгаас шилээ дарсан олон төрлийн шалгалт ирж шалгасан ч ямарч зөрчил дутагдал илрүүлээгүй байх нь жигтэй. Орон нутгийн хөгжлийн сан болоод, сум хөгжүүлэх санд ирсэн 2-3 жилийн 2 тэр бум орчим төгрөгөөр юу хийчихвээ гээд эргээд харвал үнэхээр тэр гээд хэлчих бүтээн байгуулалт алга.  байгаад нутгийн иргэд харамсаж байна.  Иргэдийн ярих нь тэр мөнгөөр хувьдаа машин авсан, барилга байшин барьсан, мал худалдаж  авсан, хүүхдийн сургалтын төлбөр төлсөн болоод дуусгасан гэх нь чихэнд сонсголонгүй ажээ. 1 хүн 2 жилд 2 сангаас 2-3 удаа 5-30 саяар зээл тусламж дэмжлэг авсан байх нь тус суманд халамжийн томоохон бодлого хэрэгжиж эрх бүхий албан тушаалтан нарын ах дүү, төрөл садан, найз нөхдөд энэ бодлого үйлчилжээ. Бууцагаанчуудын олон жил үр шимийг хүртэх тэр их төсвийн хөрөнгийг хэдхэн хүний гараар дуусгасан хүмүүст өнөөдөр үйлчилдэг хууль, хариуцлага тооцдог хууль хяналт байгууллага байхгүйд Бууцагаанчууд харамсаад барамгүй сайн санаатай сайхан сэтгэлтэй нутгаа гэсэн удирдлага өмнөх 4 жилд ажилласан бол Бууцагаанчууд тэнгэрийн умдаг атгаж 5 сайхан жижиг дунд үйлдвэртэй 50 гаруй хүн ажлын байртай сайхан ирээдүйг үзэх байлаа. Харамсалтай тийм боломжийг тэнэгүүд олгосонгүй ИТХ нь барьцаанд орсон төлөөлөгчид бүх үйл ажиллагаа хяналтгүй болгож, иргэдийн оролцоо хяналтыг дээд зэргээр боймолсон тэр үед дуугарсан бүхэн ад үзэгдэж байсан гэсэн үлгэр байхаас одоо юу ч алга. Хэрэг хуучирдаггүй, буруу зүйл хийсэн хүн ял зэмээ хүртдэг ёс заншил, хууль журам байдгийг ойлгуулах болов уу гэж Бууцагаанчууд хүлээж сууна. Шударга ёс, хуулийн хатуу хяналт суларвал ямар зүйлд хүрдэгийг өнгөрсөн 4 жилийн дүр зураг харуулсаар л байна. Өнөөдөр ч гэсэн хяналт шалгалт, хяналт шинжилгээ ус агаар шиг хэрэгтэй байна. Төрийн албанд шударга ёс, хууль дээдлэх, хууль бус үйлдэлтэй эвлэрэхгүй байх зарчим бүх шатанд алдагдаж энэ зүйлийг хэлсэн, хийсэн төрийн албан хаагч иргэд нь урвагч бөөрөнхийлөгч, араас хутаг шаагч болгон хувиргаж байгаа нь Монгол төр цаашид хөгжин дэвжих боломжоо алдаж аюулын хар ангал руу унахын цондон ажаамуу