Тус сумын Иргэдийн Төлөөлөгчдийн Хурлын ажлын албанаас хуулиар хүлээлгэсэн эрх мэдэл, үүргийн хүрээнд хэд хэдэн журам гэрээнд өөрчлөлт оруулж мөрдөж эхлэв. Юуны өмнө төлөөллийн ардчилалыг хөгжүүлэх иргэдээс сонгогдсон төлөөлөгчид, Хурлын тэргүүлэгч нарын манлайлалыг дээшлүүлэх, төлөөлөлийн байгууллагад иргэдийн оролцоо хяналтыг сайжруулах зорилгоор ажлын албаны дотоод журмыг хууль тогтоомж эрх зүйн актанд нийцүүлэн шинээр боловсруулж гаргав. Багийн Иргэдийн Нийтийн хурлын даргын чиг үүргийг тодорхой болгох, албан хэрэг хөтлөлтийг сайжруулах, сонгогч нарын дунд мэдээлэл сурталчилгааг өргөжүүлэх үүргийн хүрээнд сумын иргэдийн Төлөөлөгчдийн Хурлын ажлын  алба багийн ИНХ-ын даргатай хамтран ажиллах гэрээ байгуулж хэрэгжүүлэв. Улаан загалмайн ажлыг өргөжүүлэх нөлөөллийг  нэмэгдүүлэх зорилгоор Улаан загалмайн нийгэмлэгийн хандиваар цугларсан мал маллагч нартай байгуулах гэрээг шинэчлэн гаргасан бол Олон нийтийн цагдаагийн үйл ажиллагааг тодорхой болгох,урамшуулалын үр ашгийг сайжруулах хариуцлага сахилгыг дээшлүүлэх, иргэдийн дунд хууль эрх зүйн сургалт сурталчилгаа хийх, гэмт хэргээс урьдчилан сэргийлэх, таслан зогсоох чиглэлээр хийх ажил үүргийг нарийвчлан тогтоож ажил гүйцэтгэх гэрээ байгуулан ажилаж эхлэв