Монгол улсын Засгийн газрын  4 жилийн үйл ажиллагааны мөрийн хөтөлбөр хэрэгжүүлэх, салбарын яамнаас гарсан тушаал шийдвэрийг хэрэгжилтийг орон нутагт эрчимжүүлэх, иргэдэд үзүүлэх эмнэлгийн үйлчилгээ, тусламжийн чанарыг сайжруулах, дэлхий дахинд өндөр хурдацтай, залуужиж байгаа элэгний хатуурал, хорт хавдрыг оншлох, эмчлэх, өвчлөлийг таслан зогсоох ажлыг нутаг дэвсгэрийн хэмжээнд зохион байгуулах ажлын хэсгийг сумын Засаг даргаар ахлуулан 14 хүний бүрэлдэхүүнтэй байгуулж ажилд нь оруулав. Монголчуудын дунд эрчимтэй дэлгэрч олон хүний амь насанд хүрч, үхэл хагцлын аюулын харанга дэлдсэн энэ өвчинтэй шийдвэртэй тэмцэх үндсэн зэвсэг болсон "Элэг бүтэн Монгол" үндэсний хөтөлбөрийг хэрэгжүүлэх ажлын хүрээнд  ажлын хэсгийн ажиллах журам, богино хугацаанд хэрэгжүүлэх үйл ажиллагаа төлөвлөгөөг баталж өгсөн бөгөөд энэ ажиллагаа 2017 оны 7-8 дугаар саруудад амжилттай хэрэгжиж дуусах боломжтой болов..