сумын Засаг дарга, Тамгын газар, Иргэдийн төлөөлөгчдийн Хурал, ажлын албанаас баг бүрт 2-3 хүний бүрэлдэхүүнтэй ажлын хэсгийг 2 хоногийн хугацаагаар ажиллуулав. Ажлын хэсгүүд нийтдээ 400 орчим өрхөөр биечлэн орж Монгол улсын хууль тогтоомж, эрх зүйн акт, УИХ, Засгийн газраас авч хэрэгжүүлж байгаа арга хэмжээ, аймаг сумын Засаг дарга, ИТХ-аас гаргасан шийдвэр, түүний үр дүнгийн талаар үнэн зөв, бодит мэдээлэл өгөхөд онцгойлон анхаарч ажиллаа. мөн иргэдэд төлөөллийн байгууллагаар дамжуулан буюу биечлэн оролцож удирдах ажилтнаас  гаргаж байгаа аливаа шийдвэр, хэлэлцэж байгаа асуудалд өөрсдийн дуу хоолойг хүргэх, сум хөгжлийн сан, орон нутгийн хөгжлийн сангийн үйл ажиллагаанд тавих иргэд, иргэний нийгмийн  хяналтын шинэ тогтолцоог бий болгох сангийн үйл ажиллагааны үр ашгийг нэмэгдүүлэхэд хамтарч ажиллах талаар гарсан хуулиар сурталчилгаа хийлээ. Хэдийгээр улс аймаг, сумын түвшинд үйл ажиллагаа, хэрэгжүүлсэн ажлын үр дүн сайн байгаа ч түүнийг мэдээлж сурталчилах, тайлбарлан таниулах ажиллагаа багийн түвшинд байхгүй болсныг хүн болгон хэлж байлаа. Багийн Засаг дарга нар ард түмнийхээ саналыг авч гарч ирчихээд ажил хийдэггүй, цалинтай малчин наймаачин хэвээр байгааг шүүмжилж байлаа. Зарим багийн Засаг дарга албан тушаалд томилогдоод 4-5 сар болсон байхад өрхөөрөө 1 удаа зарим айлаар ороогүй тохиолдол гарч байгаа нь багийн түвшинд ажлын хариуцлага, сахилга алдагдаж, дураар авирлах, төрийн ажлыг цалгардуулах, иргэдийн эрх ашиг сонирхлыг зөрчих, мэдээлэл авах эрхийг хаах ноцтой зөрчил гарсаар байна. Ёумын засаг дарга Тамгын газар Иргэдийн Төлөөлөгчдийн Хурлаас багт 3-4 удаа ажиллаад байхад баг энгэж хандаж байгаа нь харамсалтай бөгөөд эмгэнэлтэй явдал болжээ. Цаашид Хурал, Засаг даргын Тамгын газраас энэ ажилд онцгойлон анхаарч холбогдох албан тушаалтан нарт хариуцлага тооцохоор шийдвэрлэв.