Сумын Иргэдийн Төлөөлөгчдийн Хурлын 3 дугаар хуралдаанаар сумын нийгэм, эдийн засгийг хөгжүүлэх 2017 оны үндсэн чиглэлийн хэрэгжилтийн явцыг авч хэлэлцэв. Хуралдаанд оролцсон төлөөлөгчид үндсэн чиглэлийг 70 хувийн биелэлттэй гэж дүгнэн сумын Засаг дарга Ж.Алтанцэцэгийн үйл ажиллагааны үр дүнд хангалттай гэсэн үнэлгээ өгөв. Засаг дарга Ж.Алтанцэцэг нь ажилд томилогдсноос хоошхи богино хугацаанд иргэд рүү хандсан нилээд ажлыг хийж гүйцэтгэсэн бөгөөд үр дүн нь гарч эхлээд байна. Шахуу тооцоотой, хариуцлагатай, бүтээлчээр ажиллаж чадвал 2017 оны үндсэн чиглэлийн хэрэгжилтийг 90-100 хувьд хүргэх боломж байгааг сумын Иргэдийн Төлөөлөгчдийн Хурлаас цохон тэмдэглэв.