Сумын Иргэдийн Төлөөлөгчдийн Хурал, Засаг даргаас хавар ихээхэн салхи шуургатай байсан, хур тунадас бага орсон, газрын гарц муу байгаа, малын тоо хэт олширсон, нутаг билчээр талхлагдсан зэрэгт дүгнэлт хийж хил залгаа сумдын удирдлагатай уулзах ажлыг 2 удаа, гэрээ хэлэлцээр хийх ажлыг 3 удаа зохион байгуулж 7 сумын 20 гаруй чиглэлд 300 гаруй өрхийн 200 гаруй мянган толгой малыг оторт гаргах гэрээ хийжээ. Тус сумын нийт нутгийн 90 гаруй хувь нь гантай байгаа бөгөөд мал өвөлжилтөнд хүндрэл гарах, малчдын амжиргаа муудах, нутаг билчээр хомосдсон энэ хэцүү цаг үед Монгол хүний уужуу тайван, нөхөрсөг, тусч сайхан сэтгэл гаргасан Хүрээмарал, Баянбулаг, Гурванбулаг, Заг, Бөмбөгөр, Галуут сумын удирдлага нийт малчидад чин сэтгэлийн мэндчилгээ дэвшүүлж эрүүл энх, аз жаргал, сайн сайхан бүхнийг хүсэж, ажлын өндөр амжилт гаргахыг ерөөе