Өвөлжилтийн бэлтгэл хангах, малдаа тарга хүч авхуулах, өвөлжөө хаваржааны бэлчээр чөлөөлөх зорилгоор Баянбулаг сумын Ар сэрвэн, Цагаан даваа, Сангийн далай зэрэг газруудад отор нуудэл хийж яваа айл өрхөөр ороход малчдын санаа сэтгэл өндөр, нутгийн иргэдтэй уламжлалт ёс заншлаар харилцсан, бие биеэ хүндэтгэсэн сайхан бүхэн бидний сэтгэлийг хөдөлгөж, итгэлийг дэвжээж байлаа. Тус нутагт 7 дугаар сарын дундуур орсон Г.Болд, Н.Баярмэнд, М.Равдандорж, Д.Ариунболд, Г.Борхүү нартай уулзаж ярилцаж байхад ирснээс хойш малын тарга хүч өдөр ирэх тусам чамбайрч, сааль сүү нэмэгдэж байгаа, сүүлийн өдрүүдэд бороо байнга орж борог өвсний доогуур ногоо нялхарч, уулын царам, орой хэсгээр төрөл бүрийн цэцэгт ургамал элбэг ургаж сайхан зусаж байгаагаа сэтгэл өндөр ярьж байсан бол нутгийн иргэдийн тусламж дэмжлэг, хамтарсан ажиллагааг бахархан магтаж байлаа. Баянбулагийн ард түмэн сэтгэл сайтай, монголч ухаантай, хүнд хэцүү цагт сайхан сэтгэл, зочломтгой чанараар хандсанд нь Баянбулгийн ИТХ, Засаг даргын Тамгын газар, нийт малчид хөдөлмөрчдөд баярлаж талархаснаа илэрхийлж ажилд нь амжилт амьдралд аз жаргал эрүүл энх сайн сайхан бүхнийг хүсэн ерөөе