Монгол улсын Үндсэн хуульд оруулах нэмэлт өөрчлөлтийн төсөлд санал авах ажиллагааг нутаг дэвсгэрийн хэмжээнд зохион байгуулах ажлын хэсгийг сумын Иргэдийн Төлөөлөгчдийн Хурлын Тэргүүлэгчдийн а/34 дүгээр тогтоолоор багийн Засаг дарга, Багийн Иргэдийн Нийтийн Хурлын дарга, хэлэлцүүлэгт оролцсон таван сургагч багш нийт 17 хүний бүрэлдэхүүнтэй байгуулав. Ажлын хэргийн хуралдааныг 08 дугаар сарын 08-ны өдөр сумын засаг даргын Тамгын газрын иргэний танхимд хийж 3 цагийн сургалт зохион байгуулав. Одоогийн байдлаар 6 багийн нийт 250 гаруй өрхөөр биечлэн орж 210 гаруй иргэдээс саналын хуудсаар санал авсан тухай мэдээлэл ИТХ-ын ажлын албанд ирсэн байна. Ажлын хэсэг 2017 оны 08 дугаар сарын 15-ны өдөр хуралдаж сумын төв болон отроос бууж ирсэн 200 гаруй өрхийн 100 гаруй өрхөөс санал авахаар зохион байгуулалт хийлээ. Энэ эрчээр ажиллаж чадвал 08 дугаар сарын 20-ны дотор санал авах ажиллагаа дуусах төлөв байна.