Тус сумын Тэмээтийн 1 дүгээр баг, Нарангийн 5 дугаар баг, Өлзийтийн 3 дугаар багийн Иргэдийн Нийтийн Хурлууд энэ сарын 12,15,18-ны өдрүүдэд багуудын төв дээр зохион байгуулагдав. Багийн хурлаар өвөлжилтийн бэлтгэл хангах, хадлан гар тэжээл бэлтгэх, адууг алсын оторт гаргах, хуц ухна тавих, өвс тэжээл татах, мал худалдах, махны зах зээл олох гэсэн малчдын амьдралд тулмагдаад байгаа олон асуудлыг хэлэлцэн шийдвнр гаргажээ. Өнөөдөр тус сумын хэмжээнд гантай билчээр хомс, нийт малын 50 орчим өвөлжих билчээрийн даацтай байгаа нь малчдын сэтгэлийг эмзэглүүлж байна. Сумын Иргэдийн Төлөөлөгчдийн Хурлаас өвөлжилтийн бэлтгэл хангах, хадлан тэжээл авах, отор нүүдэл хийх талаар Засаг дарга, байгууллагын дарга нарт хандсан албан даалгавар хүргүүлж, Монгол улсын ХХААЯ-ны сайд, ХААИС, Улаанбаатар хот дахь нутгийн зөвлөлд хандсан албан бичгийг 8 дугаар сарын дундуур хүргүүлсэн бөгөөд энэ талаар одоо болтол тодорхой хариу ирээгүй байна.Багийн иргэд ч энэ талаар ихээхэн асуулга тавьж байлаа