Төлөөллийн байгууллагад иргэдийн оролцоо, хяналтыг сайжруулах нь төслийн хүрээнд 6 багийн хэмжээнд 3 удаа зохион байгуулж нийт 236 хүнээс тусгай бэлтгэгдсэн 30 гаруй асуулт бүхий санал асуулгын хуудсаар санал авч энэ сарын 18-нд дүнг гаргав. Санал асуулгад оролцсон иргэдийн 80 гаруй хувь нь Эмэгтэйчүүдийн дунд хугацааны хөтөлбөр, хяналт шалгалтын нэгдсэн журмыг гаргах зүйтэй гэж дэмжсэн бол 90 орчим хувь нь энэ чиглэлээр хийгдэж байгаа ажил хангалтгүй 76,3 хувь нь хяналт шалгалтаар тогтоогдсон зөрчил дутагдлын талаар мэдээллийг иргэдэд өгдөггүй, 83,2 хувь хяналт шалгалтын ажлыг орон нутгийн хөгжлийн сан, сум хөгжүүлэх сангийн үйл ажиллагааг шалгахад чиглүүлэх 68,3 хувь нь төрийн ба орон нутгийн өмчийн хадгалалт хамгаалалт, эзэмшил, ашиглалтанд чиглүүлэх, 76,3 хувь нь эмэгтэйчүүдийн хөгжлийн асуудал доод түвшинд, 66,2 хувь нь удирдлагын түвшин дахь эмэгтэйчүүдийн оролцоо хангалтгүй 91,2 хувь сонгогдсон Иргэдийн төлөөлөгчид ойр дотно байдаггүй, 76,3 хувь эмэгтэйчүүдийн зөвлөлийн үйл ажиллагаа хангалтгүй, 61,2 хувь нь Иргэдийн Төлөөлөгчдийн хуралд биечлэн оролцох хүсэлтэй, 46,3 хувь нь сонгогдсон Төлөөлөгч сонгууль хугацаанд 2 удаа зарим нь уулздаггүй гэж тус тус хариулсан байна. Иргэдээс  гаргасан энэхүү санал нь цаашид дээрхи хөтөлбөр, журмыг гаргаж үр дүнтэй хэрэгжүүлэх нь гол хэрэгцээ болж байгааг нотолж байна.