Тус сумын Өлзийтийн 3 дугаар багийн төвийг байршлыг өөрчилж эрчим хүч дамжуулах шугмын дагуу байгуулж шинэ багийн төвтэй болгов. Шинэ багийн төв нь төвийн эрчим хүчинд холбогдсон хамгийн сүүлийн үеийн хийц маягтай, хөдөөгийн багийн хэрэгцээг хангасан тосон халаагуур бүхий 6 радотартай 120 м2 талбайтай эргэн тойрон төмөр хайсан хамгаалалттай 70 сая төгрөгний өртөгтэй ажээ. Багийн засаг даргын болон багийн хүний  эмчийн өрөөг тусад нь байрлуулж халаалт, цахилгаанаар хангасан байна. Шинэ багийн төвийг тендерт шалгарсан аж ахуй нэгж 1 жилийн дотор барьж сайн дүнтэй ашиглалтанд өглөө. Харин хүлээн авах явцад шал нь тодорхой хэсгүүдэд хөндийрч хөдөлгөөн орсныг гүйцэтгэгч компани өөрийн зардлаар багийн Засаг даргаар гүйцэтгүүлэхээр болов. Барилга нь 4-н газарт салхивчтай эргэн тойрон борооны ус буулгагчтай, наран талдаа олон цонхтой тул ямарч нөхцөлд дулаан байхаар халаалтын асуудлыг шийдвэрлэсэн байна. Ийнхүү Бууцагаан сумын Өлзийтийн 3 дугаар баг 40 орчим жилийн дараа бууриа сэлгэж шинэ төвтэй болж сумын хэмжээнд анхны эрчим хүчинд холбогдсон баг болсонд багийн иргэд баяртай байна. Сумын иргэдийн Төлөөлөгчдийн Хурлын тогтоолоор байгуулагдсан хяналтын хорооноос багийн төв хүлээн авах ажиллагааг зохион байгуулснаар орон нутгийн өмч 70 гаруй сая төгрөгөөр нэмэгдлээ