Тус сумын ИТХ-аас 2017 онд ажлын албаны бүтэц, бүрэлдэхүүнийг өөрчлөх, үйл ажиллагааг хууль тогтоомжид нийцүүлэх талаар хэд хэдэн чухал шийдвэр гаргасан бөгөөд түүний бүрэлдэхүүн хэсэг болсон ажлын албаны ажилтан нарын 2017 оны үйл ажиллагааны үр дүнд хяналт шинжилгээ хийлээ. Багийн Иргэдийн Нийтийн Хурлын дарга, олон нийтийн цагдаа нарын ажлын үр дүнг ИТХТ-ийн нарийн бичгийн даргатай байгуулсан хамтран ажиллах гэрээ, хөдөлмөрийн гэрээнд заасан нөхцөл шаардлага, ажил дүгнэх үзүүлэлт зэргийг баримтлан 2017 оны ажлын тайланг үндэслэн ажлыг нь дүгнэлээ. Ажлын үзүүлэлт, үйл ажиллагааны оролцоо, гаргасан шийдвэр, төрийн одон медальд иргэдийн тодорхойлсон байдал,улаан загалмайн үйл ажиллагааг дэмжиж ажилласан, тэтгэлэгт төсөлд иргэдээн оролцуулсан байдал зэргийг харгалзан үйл ажиллагааг үнэлж дүгнэхэд Баянбүрдний 4 багийн Иргэдийн Нийтийн Хурлын дарга Н.Эрдэнэбаатар 90,5 оноогоор бусдыгаан хошуучилсан бол 5 дугаар багийн Иргэдийн Нийтийн хурлын дарга Н.Хүрлээ 75,9 оноогоор удаалж, Өлзийтийн 3 дугаар багийн ИНХ-ын дарга Л.Эрдэнэбаяр 54,6 оноо, Тэмээтийн 1 дүгээр багийн ИНХ-ын дарга Я.Бямбадолжин 53,2 оноо, Буянтын 6 дугаар багийн ИНХ-ын дарга Т.Хажидмаа 51,4, Баянгийн 2 дугаар багийн Г.Өсөхбаяр 33,1 оноо авснаар үйл ажиллагаа нь үнэлэгджээ. Сумын Иргэдийн Төлөөлөгчдийн Хурлын ажлын албанаас 2018 онд хэрэгжүүлэх үйл ажиллагааны төлөвлөгөөг 28 заалтаар гаргасан бол багийн хэмжээнд зохион байгуулах ажлыг 10-16 асуудлаар гарган зорилтоон тодорхойлсон байна.