Энэ сарын эхээр болсон малчид төлчдийн зөвлөгөөний үеэр 2017 оны ажлын үзүүлэлтээр 16 малчин сумын мянгат малчин болж аврагын тууз зүүж, билэг дурсгалын зүйл гардан авсан бол 4 малчин аймгийн аврага, 2 уяач аймгийн алдарт уяач 1 хүн хөдөлмөрийн хүндэт медаль,1 хүн Хөдөө аж ахуйн тэргүүний ажилтнаар шалгарлаа. Тус сумын малчид хөдөлмөрчид өнгөрч буй 2017 онд Монголын улаан загалмайн нийгэмлэгийн үйл ажиллагааг дэмжиж 3 сая гаруй төгрөгний татвар цуглуулж, 280 гаруй малаар ивээн тэтгэсэн урьд жилүүдэд гарч байгаагүй амжилтыг аймгийн хэмжээнд тогтоосон билээ. Зөвлөгөөний үеэр МУЗН-ийг 50 ямаагаар ивээн тэтгэсэн 4 дүгээр багийн малчин С.Эрдэнэбаатар Монголын Улаан Загалмайн нийгэмлэгийн "Нэгүүсэл манлай малчин" одонгоор, 30 малаар ивээн тэтгэсэн 2 дугаар багийн малчин Б.Хадбаатар МУЗН-ийн алтан медалиар, 10 малаар ивээн тэтгэсэн 1 дүгээр багийн малчин Б.Ганхуяг, 2 дугаар багийн малчин Ч.Ганбаатар, 3 дугаар багийн малчин Б.Дорждэрэм, А.Равжир, 4 дүгээр малчин Ц.Болдтунгалаг, 5 дугаар багийн малчин Л.Чулуундорж нарыг МУЗН-ийн мөнгөн медиалаар тус тус шагнасан байна. Мөн сумын хэмжээнд малын даатгалын ажилд идэвх санаачлагатай оролцож олон жилээр, олон мал даатгасан 20 орчим малчдыг Монгол даатгал, Бодь даатгал компаниудаас шагнал гардуулав.Зөвлөгөөний үеэр тус сумаас аймгийн Иргэдийн Төлөөлөгчдийн Хурлын төлөөлөгчөөр сонгогдсон  Б.Энхтүвшин, Ж.Алтанцэцэг нар хэрэгцээ өндөртэй хүнсний зүйлийг малчид хөдөлмөрчдөд гардуулсан байна.