Сумын Иргэдийн төлөөлөгчдийн Хурлын ажлын алба өнгөрсөн 2017 онд ажлынхаа үзүүлэлтээр аймгийн тэргүүний сум болов. амжилт гаргах үндсэн нөхцөл нь тус суманд Монгол Улсын Их Хурлын Тамгын газар, Нэгдсэн Үндэсний байгууллагын хөгжлийн хөтөлбөр, Швецарийн хөгжлийн агентлагаас хэрэгжүүлж буй "Төлөөллийн байгууллагыг бэхжүүлэх нь" төслийн тэтгэлэгт төсөлд хамрагдсан явдал юм. Иргэдийн оролцоо хяналтыг сайжруулах талаар олон иргэдийг оролцуулсан хэлэлцүүлэг, санал асуулга, сургалт зохион байгуулж, Эмэгтэйчүүдийн дунд хугацааны хөгжлийн хөтөлбөр, Иргэдийн Төлөөлөгчдийн хурлаас хяналт шалгалт явуулах нийтлэг журам боловсруулан гаргаж хэрэгжүүлсэн нь амжилт гаргах суурь нөхцөл болсон байна. Иргэдийн Төлөөлөгчдийн Хурлын сонгуулаас хамааралгүй, нутгийн удирдлагын залгамж холбоог бэхжүүлэхэд чиглэгдсэн 2017-2022 он хүртэл хөгжүүлэх дунд хугацааны безнис төлөвлөгөө, Багийн хэмжээнд дагаж мөрдөх дотоод журам, Хурлын ажлын албаны хөдөлмөрийн дотоод журам, Багийн Иргэдийн нийтийн хурлын дарга нартай хамтран ажиллах гэрээ, олон нийтийн цагдаатай байгуулах хөдөлмөрийн гэрээ, Улаан загалмайн анхан шатны хорооны үйл ажиллагааны журам, МУЗН-ийг ивээн тэтгэсэн малаар цөөн малтай өрхийг малжуулах журам зэрэг бодлогын баримт бичиг,  эрх зүйн актууд гаргаж хэрэгжүүлсэн явдал нь гэмт хэргээс урьдчилан сэргийлэх ажлыг эрчимжүүлэх, ИТХ-ын дотоод бичиг баримт, ажлын байрны тохижилтыг сайжруулах, Улаан загалмайн анхан шатны хорооны үйл ажиллагаа, иргэдийг төрийн одон медальд тодорхойлох ажлыг өргөжүүлэх, Архив, албан хэрэг хөтлөлт, Засаг дарга, Тамгын газар, болон төсөвт байгууллагатай хамтын ажиллагааг сайжруулах, хөрөнгө оруулалт бүтээн байгуулалтыг урагшлуулах, иргэдийн дунд хийгдэх дээд шатны хурал  болон өөрийн гаргасан шийдвэр, хууль тогтоомж эрх зүйн актын  мэдээлэл, сургалт сурталчилгааг өргөжүүлэхэд томоохон түлхэц боллоо