Тус сумаас энэ жил" Алдарт эх"-ийн 1 дүгээр одонгийн болзлыг Нарангийн 5 багийн малчин Лхагвын Ууганбаяр, "Алдарт эх"-ийн 2 дугаар одонгийн болзлыг Тэмээтийн 1 дүгээр багийн Үнэнсонингийн Энхжаргал, Баянгийн 2 дугаар багийн Мөнхжаргалын Сэндмаа, Лхамын Хоролсүрэн, Баянбүрдний 4 дүгээр багийн малчин Түмэн-Өлзийн Алтанцэцэг, Мөнхбатын Баярмагнай, Бямбасүрэнгийн Мөнхсоёл, Нарангийн 5 дугаар багийн Төмөрбаатарын Долгормаа, Баяраагийн Цэцэгмаа нар  хангасан шагналын материалыг сумын Иргэдийн Төлөөлөгчдийн Хуралд ирүүлснийг хянаж үзээд аймгийн засаг даргын Тамгын газарт ИТХ-ын Тэргүүлэгчдийн тогтоол гарган энэ сарын 27-нд хүргүүлэхээр шийдвэрлэв. Сүүлийн жилүүдэд алдарт эхийн тоо тун цөөрч байгаа бөгөөд жилдээ 5- 7 хүн авдаг байсан бол энэ жил 2-3 хүнээр нэмэгдсэн тоо гарч байгаа нь бага зэргийн өсөлт гэж үзэх талтай ч цаашид сумын хүн амын тоо өсөх хандлага туйлын бага байна. Монголын шинэ үеийн ууган зохиолч Дашдоржийн Нацагдорж тэртээ 1930-иад оны үед нэгэн шүлгэндээ Монголын үрс маш олон болтугай шүлгэлсэн байдаг. Тэр шүлгийн мөр яахын аргагүй үгүүлэгдэж байна.