Монгол улсын Их Хурлын Тамгын газар, НҮБ-ын хөгжлийн хөтөлбөр, Швецарийн хөгжлийн агентлагаас аймаг, нийслэл, сум, дүүргийн ИТХ-иудын дунд тэтгэлэгт төсөл шалгаруулах болзол зарласан бөгөөд 2017 онд "Төлөөллийн байгууллагад иргэдийн оролцоо хяналтыг сайжруулах нь" төсөл шалгарч амжилттай хэрэгжсэн бол энэ 2018 онд "ИТХ-ын төлөөлөгч,  Багийн ИНХ-ын дарга нарыг чадавхижуулах нь" төсөл бичиж сумын ИТХ-ын Тэргүүлэгчдээр хэлэлцүүлэн дэмжсэн тухай тогтоол гарган төслийн газарт хүргүүлэв. Өнгөрсөн жил хэрэгжүүлсэн төслийн хүрээнд Төлөөлөгчид болон багийн ИНХ-ын дарга нар Тэргүүлэгчид иргэдийн дунд  зохион байгуулалттай, дүнтэй олон төрлийн сургалт хэлэлцүүлэг, санал асуулга зохион байгуулсны үр дүнд ИТХ-ын үйл ажиллагаа аймгийн хэмжээнд ажил нь жигдэрсэн сайн үнэлгээтэй гарсан нь олон улсын төсөл хөтөлбөрийн үр шим юм. Хэдийгээр төслийн хөрөнгө Иргэдийн Төлөөлөгчдийн Хурлын хэвийн ажиллагаа хангах, урсгал болон тогтмол зардлыг санхүүжүүлдэггүй ч гэсэн дам нөлөө үзүүлдэгээрээ онцлогтой юм. Төслийн хүрээнд хийсэн сургалт, хэлэлцүүлэгийн үр дүнд иргэдээс эдийн засаг, нийгмийн нэн чухал асуудлыг хэлэлцэн шийдвэрлэх, сум орон нутгийн ач холбогдолтой хөрөнгө оруулалтын ажлыг амжилттай хэрэгжүүлэв