Тус суманд 2017 онд хэрэгжсэн төслийн үр дүнд сумын Иргэдийн Төлөөлөгчдийн Хурлаас нутаг дэвсгэрийн хэмжээнд хяналт шалгалт явуулах "Нэгдсэн журам боловсруулан 2018 оны ИТХ-ын Тэргүүлэгчдийн анхдугаар хуралдаанаар хэлэлцүүлэн 10 дугаар тогтоолоор баталгаажуулсан билээ. Хяналт шалгалт явуулах ажлын хэсгийн бүрэлдэхүүнийг сумын Иргэдийн төлөөлөгчдийн Хурлын Ажлын албаны дарга хороод бүрээс 1 тэргүүлэгч иргэний төлөөлөл 2 хүн нийт 7 хүний бүрэлдэхүүнтэй байхаар Иргэдийн Төлөөлөгчдийн Хурлын даргын захирамж гаргасан байна. Дээрхи эрх хэмжээний хүрээнд гаргасан эрх зүйн актыг хэрэгжүүлэх зорилгоор сар бүр хууль тогтоомж, дээд шатны Иргэдийн Төлөөлөгчдийн хурал болон сумын ИТХ-аас гаргасан шийдвэрийн хэрэгжилтийг аж ахуй нэгж байгууллага, иргэдийн үйл ажиллагаандхянаж шалгах төлөвлөгөөг 12 заалтаар гарган холбогдох газруудад хүргүүлэв. Энэ оны 3 дугаар сард томилогдсон ажлын хэсэг Монгол улсын Их хурлаас батлан гаргасан, Мэдээллийн ил тод байдал мэдээлэл олж авах эрхийн тухай, Гэмт хэргээс урьдчилан сэргийлэх тухай, Төрийн хяналт шалгалтын тухай зэрэг 10 орчим хууль, Засгийн газрын гол гол тогтоолуудын биелэлтийг Засаг даргын Тамгын газар, төсөвт байгууллагуудын үйл ажиллагаанд хянаж шалгахаар төлөвлөгөөнд тусгасан байна.