Багийн Иргэдийн Нийтийн Хурлын дарга нарын ажил хариуцах чадварыг дээшлүүлэх, олгож байгаа урамшууллын үр ашгийг дээшлүүлэх зорилгоор 2017 оны 06 дугаар сараас эхлэн хамтран ажиллах гэрээ байгуулж, үйл ажиллагааг хагас бүтэн жилээр дүгнэж байхаар ИТХ-ын ажлын албаны хөдөлмөрийн дотоод журам батлагдан гар амжилттай хэрэгжиж байна. Өнөөдөр багийн иргэдийн нийтийн хурлын дарга нарын ажлыг 6 зорилтын хүрээнд  33 үйл ажиллагаагаар 02-05 гэсэн оноо өгч ажлыг дүгнэсэн тухай илтгэх хуудасыг багийн ИНХ-ын дарга нарт танилцуулав. Хамгийн өндөр буюу 91,2 оноо авсан 4 дүгээр багийн ИНХ-ын дарга Н.Эрдэнэбаатар үйл ажиллагааны үр дүнгээрээ тэргүүлсэн бол, 78,6 оноо авч 5 дугаар багийн ИНХ-ын дарга Н.Хүрэл удаалж, 74,3 оноо авч 3 дугаар багийн ИНХ-ын дарга Л. Эрдэнэбаяр эхний 3 байрт орсон байна. Өнгөрсөн жилд багийн Засаг даргын ажлын тайланг хэлэлцэж дүгнэлт өгөх, аливаа үйл ажиллагааг төлөвлөгөөжүүлэх, ажлын тайлан гаргах, дотоод баримт бичгийн бүрдэл зэрэгт нилээд дутагдалтай байгааг ИТХ-ын ажлын албаныхан хүлээн зөвшөөрч цаашид энэ чиглэлд онцгойлон анхаарахаар болов