Тус сумын ИТХ-ын ажлын албанаас Нэгдсэн үндэсний байгууллагын хөгжлийн хөтөлбөр, Швецарийн хөгжлийн агентлагаас зарласан тэтгэлэгт төсөлд хамрагдан 2 томоохон бүтээгдэхүүн гаргаж хэрэгжилтийг зохион байгуулж байна. Оны эхэнд ИТХТ-ийн өргөтгөсөн хуралдаанаар "Эмэгтэйчүүдийн дунд хугацааны хөгжлийн хөтөлбөр"-ийг хэлэлцэн А/02 тогтоол гарган уг хөтөлбөрийг хэрэгжүүлэх талаар сумын Засаг дарга, тамгын газарт үүрэг чиглэл өгөгдсөний дагуу сумын хэмжээний эмэгтэйчүүдийн чуулганыг энэ сарын 07-ны өдөр сумын төвд зохион байгуулав. Чуулга уулзалтанд 100 гаруй төлөөлөл цугларсан бөгөөд эмэгтэйчүүдийн хөгжлийн талаар илтгэл тавьж, олон эмэгтэйчүүд өөрсдийн санал бодлыг хуваалцсан сайхан ажиллагаа боллоо. Хөгжлийн Хөтөлбөрт тусгагдсан зорилт үйл ажиллагааг идэвхжүүлэх зорилгоор сумын ИТХ-ын дарга Х.Дагвадорж хувиасаа 100000 төгрөгний хандив өргөсөн бол байгууллага, аж ахуй нэгж, иргэдээс 500000 төгрөгний бэлэн мөнгөний туслалцаа үзүүлэв. Цаашид эмэгтэйчүүдийн дунд хугацааны хөтөлбөрийн хэрэгжилтийг эрчимжүүлэх, нийгмийн амьдрал дахь эмэгтэйчүүдийн оролцоог нэмэгдүүлэх талаар нутгийн өөрөө удирдах болон төрийн байгууллагууд хамтран ажиллах санамж бичигт гарын үсэг зурсан байна