Өнөөдөр 1992 онтой харицуулахад сумын ИТХ-ын үйл ажиллагааны хүрээ хязгаар өргөжиж, иргэд хөдөлмөрчдөөс Хурал, Тэргүүлэгчидэд хандах хандлага ихээхэн нэмэгдэж байна. ИТХ-ын зорилго, зорилт, үйл ажиллагааны чиглэл тодорхой болж, аж ахуй санхүү, дотоод зохион байгууллалтын хувьд нилээд бэхжсэн байна. Гэвч өөрийн данс, тамга тэмдэг бүхий хуулийн этгээдийн хувьд тухайн нутаг дэвсгэр дахь нийгэм эдийн засгийн аливаа тулмагдсан асуудлыг бие даан шийдвэрлэх томоохон эрх мэдэлтэй хуулийн этгээдийн хувьд өмч хөрөнгө, архив албан хэрэг хөтлөлт, мөнгө санхүү, боловсон хүчин, дотоод зохион байгуулалтын асуудлыг бие даан шийдвэрлэх ихээхэн ажил байвч Хурлын ажлын албаны нэг хүн энэ бүгдийг хийхэд мэдлэг, чадвар, дадлага туршлагын хувьд хүндрэл бэрхшээл асар гарч байв. Үүнээс болж хууль тогтоомж, дээд шатны Хурлын болон өөрийн хурлын шийдвэрийг сурталчлах, мэдээлэх, доод шатны Хуралд арга зүйн зөвлөгөө өгөх гол гол ажлууд хийгдээгүйгээс ИТХ-ын нэр хүнд унах,  иргэдийн итгэл алдрах, үзэл бодлоо чөлөөтэй илэрхийлэх, хамтран ажиллах бүхий үйл ажиллагаанд доголдол гарч нутгийн өөрөө удирдах ёсны байгууллагын мөн чанар алдагдаж байна. Энэ асуудлыг шийдвэрлэх зорилгоор 2017 онд ИТХ-ын ажлын албанд  БИНХ-ын дарга нар, Олон нийтийн Цагдааг хамруулснаар иргэдийн дунд хийгдэх мэдээлэл сурталчилгааны ажил сайжирсан бол Олон Нийтийн Цагдаад ИТХ-ын туслах ажилтны орон тоог хавсрган ажиллуулснаар дотоод бичиг баримт хөтлөлт, аж ахуйн үйл ажиллагаанд ихээхэн өөрчлөлтүүд ороод байна. 2018 оны 03 дугаар сарын 01-ны өдрөөс эхлэн ИТХ-ын ажлын алба туслах ажилтантай болсноор ИТХТ-ийн нарийн бичгийн дарга дээр ирэх ажлын ачаалал багасаж тогтмолжих боломж харагдаж байна.