Аймгийн Иргэдийн Төлөөлөгчдийн хурлын төлөөлөгч Б.Энхтүвшин, сумын Иргэдийн Төлөөлөгчдийн хурлын дарга Х.Дагвадорж, Мал эмнэлэг үржлийн тасгийн дарга Д.Баатар, их эмч Батхүлэг  нар намрын налгар цагт Баянбулаг, Гурванбулаг, Заг сумын нутгуудад отроор гарч одоо тавтай сайхан хаваржиж байгаа 40 орчим  өрхөөр орж төрийн болон, эмнэлгийн тусламж үйлчилгээ үзүүлэв. Өнгөрсөн жил тус сумын нутагт зун зуншлага муу болж, малын тоо ихээхэн өссөн олон өрх мал нутагтаан өвөлжихөд хүндрэлтэй байсан явдлаас зайлсхийн малчин хүний малч ухаан иргэний  эр зориг гарган бусдын нутагт өвөлжих шаардлага бий болжээ. Отроор яваа айлуудын сэтгэл санаа өндөр хаврын улиралтай золгож байна. Ажлын хэсэг айл нэг бүрээр орж тэдний санаа бодлыг сонсож, эмийн багц үйлчилгээ үзүүлж, илэн далангүй яриа үүсгэсэн сайхан ажиллагаа болов. Малын тарга тээврэг намраараа, хүмүүсийн бодол санаа холыг зорисон өвлийг өнтэй даваж, урин хавартай золгосон хүн бүхэнд ярьж хэлэх нь яруухан явж хийх нь дориухан байлаа. Энэ ажил нэгэнт хүн бүрийн санаанд нийцсэн тул ажлын хэсэг ч цаашид энэ ажиллаан улам эрчимтэй малчин нэг бүрт хүртсэн байдлаар зохион байгуулахаар урам зориг дүүрэн ажилдаан орж байна. Малчид гэдэг хүний хүслэн хүрээ хотын сонин сонсох гээд хөл газар хүрэхгүй баяралцгаасан сайхан цаг үе энэ байлаа.