Иргэдийн төлөөлөгчдийн Хурлын Тэргүүлэгчдээс гаргасан "Хяналт шалгалтын нийтлэг журам" батлах тухай 2018 оны А/01, Төрийн болон орон нутгийн өмчийн талаар авах зарим арга хэмжээний тухай А/14 тоот тогтоолуудыг хэрэгжүүлэх, Засаг захиргаа нутаг дэвсгэрийн нэгж түүний удирдлагын тухай хууль, Төрийн хяналт шалгалтын тухай хууль, Төрийн ба орон нутгийн өмчийн тухай хуулийн холбогдох заалтын хэрэгжилтийг эрчимжүүлэх зорилтын хүрээнд төсөвт 7 байгууллагын өмч хөрөнгөнд нарийвчилсан, нэг бүрчилсэн үзлэг тооллого явуулж эхлэв. Сүүлийн 5 жилийн хугацаанд энэ ажил нилээд суларч хөдөө орон нутагт хяналт шалгалт хийхийг хүний мууг үзэх мэтээр ойлгодог буруу зуршлыг эвдсэн энэ ажлын сумын Иргэдийн Төлөөлөгчдийн Хурлын даргын баталсан удирдамж оны эхэнд  гаргасан төлөвлөгөөний дагуу хийж байгаа томоохон ажлын нэг юм. Хяналт шалгалт явуулах ажлын хэсэг төсөвт 7 байгууллагын  1300 орчим төрлийн үндсэн болон эргэлтийн хөрөнгийг 2016-2017 оны тооллогын бүртгэлтэй нэг бүрчлэн тулгаж үзэх бөгөөд шалгалтын дүнг 4 дүгээр сарын 02-ны өдөр Иргэдийн Төлөөлөгчдийн Хурлын Тэргүүлэгчид, Засаг даргын зөвлөлийн хамтарсан хурлаар хэлэлцэхээр болжээ