Багийн хэмжээнд хууль, журам, дүрмээр зохицуулагдаагүй олон төрлийн харилцаа байдаг бөгөөд үүнийг шийдвэрлэхийн тулд багийн хэмжээнд дагаж мөрдөх нийтлэг журмын төслийг сумын ИТХ-ын ажлын албанаас боловсруулан гаргаж Засаг даргын тамгын газрын албан хаагчид мэргэжилтнүүдийг оролцуулсан хэлэлцүүлэгийг зохион байгуулав. Хэлэлцүүлэгт 10 орчим албан хаагчид оролцож, өвөлжөө, хаваржааны газрыг эзэмших, билчээрийг  зүй зохистой ашиглах, Иргэдийн Нийтийн Хурлын болон Тэргүүлэгчдийн хурлын хуралдааны ажил хэрэгч байдлыг хангах, байгаль орчныг хамгаалах, зүй зохистой ашиглах, багийн хөгжлийн сан бүрдүүлэх,зарцуулах, тайлагнах, Архив албан хэрэг хөтлөлтийн ажлыг зохион байгуулах, дотоод зохион байгуулалтын чиглэлийн /Гэмт хэргээс урьдчилан сэргийлэх ажил, Монголын улаан загалмайн ажил, төрийн одон медальд иргэдийг тодорхойлох, орон нутгийн хөгжлийн сангийн хүрээнд, хөрөнгө оруулалтыг зохицуулах зэрэг 10 орчим зүйлтэй 60 орчим заалт бүхий дотоод журмын төслийн талаар хэлэлцэн багийн Иргэдийн Нийтийн Хуралд хүргүүлэв.

Энэхүү нийтлэг журам багийн иргэнээр хэлэлцэгдэн амжилттай хэрэгжснээр багийн бие даасан байдал хангагдах, багийн иргэдийн нийгмийн асуудлын тодорхой хэсгийг шийдвэрлэх, хүний болон санхүүгийн өргөн боломж бүрдэх нөхцөл бүрдэх юм.