Өнгөрсөн 2017 онд тус суманд тэтгэлэгт төсөл хэрэгжин сумын Иргэдийн Төлөөлөгчдийн Хурлаас хяналт шалгалт явуулах нийтлэг журмыг боловсруулан иргэд, албан тушаалтан, иргэний нийгмийн байгууллагын ажилчин албан хаагчдаар хэлэлцүүлэн 2018 оны 01 дүгээр сарын15-ны өдрийн А/01 ИТХТ-ийн тогтоолоор баталсан билээ. Тогтоосон журмын дагуу сумын ИТХ-аас энэ 2018 онд төсөвт байгууллага болон, төрийн албан хаагчтай холбогдол бүхий 20 орчим хуулийн хэрэгжилтэнд 10 удаа хяналт шалгалт хийхээр төлөвлөгөөнд гаргаж 1 дүгээр сард сумын Засаг даргын өгсөн үүрэг даалгаврын дагуу 12 жилийн дунд сургуулийн 2016 оны санхүүгийн баримтанд 1 удаа, төсөвт байгууллагуудын төрийн болон орон нутгийн өмчийн хадгалалт хамгаалалтын байдалд 1 удаа тус тус хяналт шалгалт хийж шалгалтын дүн танилцуулгыг энэ сарын 16-ны өдөр удирдах ажилтан нарын шуурхай зөвлөлгөөнөөр хэлэлцүүлэв. Хяналт шалгалтын явцад төрийн болон орон нутгийн өмчийн хадгалалт хамгаалалт, эзэмшилт, ашиглалт, нягтлан бодох бүртгэлийн анхан шатны баримт бичилт зэрэгт  ихээхэн зөрчил илрэв. Зөрчлийн талаар холбогдох албан тушаалтан нарт хугацаатай албан шаардлагыг ИТХ-аас ойрын үед хүргүүлэхээр боллоо.