Сумын ИТХ-ын ажлын албанаас 2017-2022 онд ИТХ-ыг хөгжүүлэх дунд хугацааны хөгжлийн хөтөлбөрийг 2017 оны 12 дугаар сарын 28-ны өдрийн сумын Иргэдийн Төлөөлөгчдийн Хурлын Тэргүүлэгчдийн хуралдаанаар хэлэлцэн А/52 тоот тогтоолоор баталж хэрэгжүүлж эхлэсэн билээ. Уг хөгжлийн хөтөлбөр нь сонгуулиас хамааралгүйгээр 6 жилийн хугацаанд хэрэгжихээр төсөвлөсөн нь урьд урьдын хөгжлийн хөтөлбөрөөс онцлог бөгөөд Төрийн албаны тухай хууль, Төсвийн тухай хууль, Хөгжлийн бодлого төлөвлөлтийн тухай, Нийтийн сонсголын тухай хууль, Зөвлөлдөх санал асуулгын тухай  хуулийн шаардлагад нийцүүлэн гаргахад онцгойлон анхаарав.Хөгжлийн хөтөлбөр нь 7 бүлэг 17 зүйл, 80 гаруй заалт бүхий томоохон хөтөлбөр хэрэгжилтийн үр дүнд Хурлын ажлын албаны орон тоо бүтэцэд томоохон өөрчлөлт орно, төлөөлөгчдийн өөрчлөлт хөдөлгөөн багасана, мэдлэг боловсрол, ажлын дадлага туршлага сайжрана, хурлын бие даасан байдал хангагдана, бодлогын баримт бичгийн хэрэгжилт сайжрана, сум орны хөгжил цэцэглэлт иргэдийн сайн сайхан амь амьдралд тодорхой өөрчлөлтүүд гарна. төв болон дунд доод түвшний бодлогын баримт бичгийн уялдаа холбоо сайжирч үр дүн, үр ашиг нь жил бүр нэмэгдэнэ