Эрт дээр үеэс хошуу нутгаараа тахиж, шүтэж ирсэн "Хутагт Богд" уулыг Аймгийн Иргэдийн Төлөөлөгчдийн Хурлын Тэргүүлэгчдийн 2018 оны 04 дүгээр сарын 19-ны өдрийн 33 тоот тогтоолоор аймгийн тахилгат уул болгон тогтоож 4 жилд нэг удаа тахилгын ёслол хийж байхаар шийдвэрлэв. Энэхүү уул нь далайн түвшинээс 3012 метрийн өндөрт өргөгдсөн хуучин Эрдэнэжамьяан вангийн хошууны гол тахилгат уул байсан бөгөөд энэ жил Бууцагаан, Хүрээмарал, Баянбулаг, Заг, Бөмбөгөр сумуудын оролцоотойгоор 6 дугаар сарын 04-ны билэгт сайн өдрийг сонгон тахилгын ёслол хийхээр шийдвэрлэжээ.