Аймгийн Иргэдийн Төлөөлөгчдийн Хурлын даргын шийдвэрээр тус суманд 21 сумын ИТХ-ын дарга, нарийн бичгийн дарга, аймгийн Иргэдийн Төлөөлөгчдийн Хурлын ажлын албаны албан хаагчдын үзүүлэх сургуулийг Бууцагаан сумын ИТХ-ын үйл ажиллагаанд хийхээр болжээ. Үзүүлэх сургуулийн үед тусгай хөтөлбөртэй сургалт, ажлын арга туршлагын талаар мэдээлэл, сумдын хооронд спортын 2-3 төрлийн уралдаан тэмцээн зохион байгуулахаар урьчилсан чиглэл гарч байна. Сумын ИТХ-ын Тэргүүлэгчдээс энд ихээхэн анхаарал тавьж байгаа бөгөөд бэлтгэл ажлын хүрээнд тусгай төлөвлөгөө гарган хэрэгжүүлж байна. Гэмт хэргээс урьдчилан сэргийлэх ажлыг зохицуулах зөвлөл, Улаан загалмайн хороо болон бусад тогтоолоор батлагдсан ажлын хэсэг, түр хороо, хяналтын зөвлөл, хяналт шалгалтын ажлын хэсгийн үйл ажиллагааг эрчимжүүлэхэд онцгойлон анхаарч байна.