Монгол улсын Засаг захиргаа нутаг дэвсгэрийн нэгж түүний удирдлагын тухай хуулийн 20.1.2-т сумын Иргэдийн Төлөөлөгчдийн Хурал, Тэргүүлэгч нь "Хууль, Улсын Их хурлын бусад шийдвэр, Ерөнхийлөгчийн зарлиг, Засгийн газар, түүний байгууллага, дээд шатны болон тухайн хурлын шийдвэрийн биелэлтийг зохион байгуулах, хянан шалгах, үүнтэй холбогдох асуудлаар тухайн нутаг дэвсгэр дахь үйлдвэр, аж ахуй нэгж, байгууллагын удирдлагын илтгэл, саналыг хэлэлцэх" энэ заалтын дагуу ИТХ-ын ажлын албанаас Нэгдсэн үндэсний байгууллагын хөгжлийн хөтөлбөр, Швецарийн хөгжлийн агентлагын тэтгэлэгт төслийн үр дүнд  ИТХ-аас гаргасан хяналт шалгалт явуулах нийтлэг журам, ИТХ-ын дунд хугацааны хөгжлийн хөтөлбөр, тухайн жилд хийх ажлын төлөвлөгөөний дагуу   хяналт шалгалтын ажлыг тогтвортой явуулж байна. Он гарсаар 2 удаа 2017 онд 4 удаа нийт 6 удаа байгууллагын дотоод үйл ажиллагаа, төсвийн байдал, төрийн болон орон нутгийн өмчийн хадгалалт хамгаалалт, 10 орчим хуулийн хэрэгжилтэнд удирдамжтай хяналт, шалгалт явуулсны үр дүн тодорхой хэмжээгээр харагдаж эхлэв. Хяналт шалгалтын ажилд иргэдийн оролцоог нэмэгдүүлэхэд онцгойлон анхаарч байна.