Сумын Иргэдийн Төлөөлөгчдийн Хурлын ажлын албанаас эрх мэдлийн хүрээнд хийдэг нэг гол  чиг үүрэг нь Монголын Улаан Загалмайн үйл ажиллагааг орон нутагт хэрэгжүүлэх ажил байдаг. Тус сумын ИТХ-ын ажлын албанаас 2017 онд идэвхтэй олон түмнийг хамруулсан үр дүнтэй ажил явуулснаар 400 гаруй иргэд улаан загамайн гишүүнд шинээр элсэж 2,1 сая төгрөг 30 орчим иргэд онцгой гишүүнээр элсэж 1,5 сая төгрөгний  татвар аймгийн УЗН-ийн дансанд төвлөрүүлсэн бол 1 иргэн 50 малаар, 1 иргэн гучин малаар 7 иргэн 10 малаар 5 иргэн 5 малаар 4 иргэн 4 малаар 30 иргэн тус бүр нэг малаар тус тус ивээн тэтгэсэн хүмүүнлэгийн ажлын амжилт гаргасан байна. Үүнийг нь Монголын Улаан загалмайн нийгэмлэгээс үнэлж 1 малчинг "Нигүүсгэл манлай малчин" одон, 1 малчин "Нигүүсгэл алтан" медиаль 5 малчин "Нигүүсгэл мөнгөн" медиалаар тус тус шагнажээ. Сумаараа улаан загалмайн үйл ажиллагааг дэмжиж ажилласны төлөө 60 гаруй өрхийн 300 орчим иргэнд бэлэн хувцас 20 гаруй өрхийн 60 гаруй иргэнд эм тариа, тэжээлийн багц 50 гаруй өрхийн 200 гаруй иргэдэд хүчит тэжээл, хуурай сүү, долоолгоны нийт 5,3 сая төгрөгний тусламж дэмжлэг үзүүлсэн байна. Ивээн тэтгэгч нараас цугларсан малыг цөөн малтай 5 өрхийг малжуулахаар гэрээ хийж үр дүнг тооцон ажиллаж байна