Тус сумын ИТХ-аас 2018 оны 3 дугаар улирал хүртэл хийж хэрэгжүүлсэн ажлынхаа тайланг 2,3,4,5 дугаар багийн 260 гаруй иргэдийн оролцоотой хэлэлцүүлэг зохион байгуулав. Хэлэлцүүлэгийг пректор ашиглаж явуулсан бөгөөд нийтдээ 3 цагийн мэдээлэл сурталчилгаа хийж, 20 гаруй иргэдийн санал шүүмжлэлийг сонссон байна. Хэлэлцүүлэгийн үед сумын иргэдийн Төлөөлөгчдийн Хурлын Тэргүүлэгчдийн нарийн бичгийн дарга хурлын хуралдаан болон Тэргүүлэгчдийн хурлаас гаргасан тогтоол түүний хэрэгжилт, байгууллага аж ахуй нэгж, албан тушаалтан нарт хандсан албан даалгавар түүний хэрэгжилт, гэмт хэргээс урьдчилан сэргийлэх ажил, Монголын улаан загалмайн нийгэмлэгийн үйл ажиллагааг дэмжиж ажилласан байдал, төрийн одон медальд иргэдийг тодорхойлсон байдал, Эмэгтэйчүүдийн дунд хугацааны хөтөлбөр, Хяналт шалгалтын нэгдсэн журам, Хүүхдэд ээлтэй орон нутаг, Сургуулийн өмнөх боловсрол хөтөлбөрүүдийн хэрэгжилт үр дүнгийн талаар дэлгэрэнгүй мэдээлэл өгчээ.