Өнгөрсөн жил 4 сая төгрөгний тэтгэлэгт төсөлд хамрагдан иргэдийн дунд хэлэлцүүлэг, санал асуулга явуулсны үр дүнд гарсан "Иргэдийн Төлөөлөгчдийн Хурлаас хяналт шалгалт явуулах нийтлэг журам"- хүрээнд 2018 он гарсаар 5 дахь удаагийн хяналт  шалгалтыг  Монгол улсын Засгийн газрын 2018 оны 248 дугаар тогтоолын дагуу төсөвт байгууллага төрийн албан хаагчдын үйл ажиллагаанд 30 гаруй төрлийн ажлын чиглэлээр явуулж хяналт шалгалт явуулсан танилцуулга, зөрчил дутагдал арилгах талаар албан мэдэгдэл гарган байгууллагын дарга, захирал эрхлэгч нарт хүргүүлэв. Шалгалтын явцад тогтоолоор даалгасан хэд хэдэн заалтын хэрэгжилт хангалтгүй байв. Мөн Монгол улсын Мэдээллийн ил тод байдал, мэдээлэл олж авах эрхийн тухай, Шилэн дансны тухай, хуулиудын хэрэгжилтийг байгууллага албан тушаалтан нэр дээр шалгахад дээрхи хуулийн хэрэгжилт хангалтгүй байсан бөгөөд хуулинд тодорхойлон заасан мэдээллийн самбар байршуулж, цахим хуудас үүсгэж түүндээ мэдээллийг тухай бүр нь ойлгомжтой байдлаар байршуулах зарчим бүх байгууллага дээр алдагдсан байна. Өөрөөр хэлбэл энэ хуулийн хэрэгжилт орон нутагт суларч, иргэдийн хууль ёсны эрх ашиг зөрчигдсөн байна.