Тус сумын хэмжээнд сүүлийн 4-5 жил хөрөнгө актлах ажиллагаа хийгдээгүйн улмаас эвдэрч хэмхэрсэн, ашиглалтнаас гарсан, эдэлгээ, ашиглалтын хугацаа дууссан эдийн засгийн хувьд ашиглах боломжгүй  их хэмжээний хөрөнгө байсан бөгөөд 2017 оноос эхлэн уг эд хөрөнгийг эмхэлж цэгцлэх, бодит байдлыг тогтоох зорилгоор аймгийн Орон нутгийн өмчийн газарт албан бичиг хүргүүлж санал тавьсны үр дүнд энэ 2018 онд нийт 160 гаруй төрлийн 213 ширхэг 16,2 сая төгрөгний өмч хөрөнгийг актлах зөвшөөрөл авч уг хөрөнгийн хадгалалт хамгаалалт бүрэн бүтэн байдалд энэ оны 10 дугаар сард удирдамжтай үзлэг шалгалт хийж үнэ тогтоох болон актлах, ашиглахаар нь ялган ИТХ-ын Тэргүүлэгчдийн тогтоол гарган байгууллагын дарга захирал эрхлэгч нарт хүргүүлэв. Өмч хөрөнгийг актлалгүй олон жилээр хуралдуулдаг, хагас бүтэн жилийн тооллогыг чанаргүй явуулдаг, эд хариуцагч нар дараагийн эд хариуцагчид хөрөнгө хүлээлцэхдээ дутуу хүлээлгэн өгдөг, байгууллага хооронд өмч хөрөнгө шилжүүлээд данснаас хасдаггүй орлогодож авдаггүй, өмч хөрөнгөнд бүртгэлээр тавих хяналт суларсан зэрэг зөрчлүүдийг арилгуулахаар ИТХ-ын албан мэдэгдэл хүргүүлж хугацаатай үүрэг өглөө.