Бууцагаан сумын иргэд Монголын улаан загалмайн үйл ажиллагааг дэмжиж ивээн тэтгэсээр байна. Энэ сарын 22-ны өдөр тус сумын 2 дугаар багийн иргэн Ч.Мөнхбаяр, эхнэр Н.Сайнбилэг нар сумын анхан шатны улаан загалмайн хороонд өөрийн биеэр ирж Монголын Улаан загалмайн нийгэмлэгийн үйл ажиллагааг дэмжиж хувиасаа 5 эм хонь, 10 эм ямаагаар ивээн тэтгэснийг сумын Улаан Загалмайн Анхан шатны хорооны нарийн бичгийн дарга Д.Эрдэнэдалай бүртгэн авч ивээн тэтгэгчийн үнэмлэх олгож,анкетжуулсан байна. Тус сумаас 2017 онд Б.Дорждэрэм 10 ямаа, А.Равжав 10 ямаа, С.Эрдэнэбаатар 20 эм ямаа, Б.Хадбаатар 30 эм ямаа, Ц.Болдтунгалаг 10 эм ямаа, Я.Цэдэнбал 10 эм ямаа, М.Баатархуяг 10 малаар, 2018 онд Б.Ганхуяг 10 эм ямаа , Ч.Мөнхбаяр 15 малаар тус тус ивээн тэтгэж Монголын Улаан загалмайн "Алтан ивээн тэтгэгч" гэсэн нэр хүндийг хүмүүнлэгийн сайхан зүтгэлээр олж авчээ. Одоогоор тус суманд МУЗНийн дээд шагнал "Нигүүлсэл манлай малчнаар 2 хүн "Нигүүлсэл Алтан медалиар 2 хүн "Нигүүлсэл мөнгөн" медиалаар 5 хүн тус тус шагнагдаж хүмүүнлэгийн салбарт бусдыгаан хошуучлан ажиллаж байна. Бууцагаан сумын нийт өрхийн 70 орчим хувь улаан загалмайн нийгэмлэгийн гишүүн болж чадсан бол 2017 онд Улаан загалмайн шугмаар ирсэн бараа, малын хүчит тэжээл, эм тарианы багц зэргээс амжиргаа доогуур, эмзэг бүлгийн150 гаруй өрхийн 600 гаруй ам бүл 6 сая орчим төгрөгнийтусламж дэмжлэг авсан байна.