Төрийн байгууллага албан тушаалтан нарт иргэдээс өргөдөл гомдол гаргах эрх хязгаарагдмал байгаад сумын Иргэдийн Төлөөлөгчдийн Хурлын даргын захирамж гарган санал өргөдөл, гомдол хүлээн авах байрыг ИТХТ-ийн нарийн бичгийн даргын өрөөгөөр тогтоож хаягжуулан, тусгай бүртгэлийн дэвтэр ажиллуулж иргэдэд хөнгөн шуурхай үйлчилгээ үзүүлж байхаар журам тогтоожээ. Энэ ажиллагаа нь Монгол улсын хуулинд байдаг боловч төрийн байгууллага албан тушаалтан нар түүнийг хэрэгжүүлдэггүй зөрчил дутагдал давтагдсаар байгаа ажээ. Үүнийг дагаад тосох болон угтах төрийн үйлчилгээ хэрэгжиж эхлэх боломжтой гэж ажлын албанаас үзжээ. Монгол улсын Засгийн газрын 2018 оны 258 дугаар тогтоолыг биелүүлэх ажлын хүрээнд хийгдсэн ажиллагаа цаашид үр нөлөө ихтэй байх бөгөөд иргэн бүр үүнийг нааштай хүлээн авч байна.