Энэ сарын 09-11 өдрүүдэд тус сумын Иргэдийн Төлөөлөгчдийн Хурлын туршлага судлах хөтөлбөрт арга хэмжээ амжилттай болж өнгөрөв, Туршлага солилцох уулзалтанд 19 сумын Иргэдийн Төлөөлөгчдийн хурлын дарга Тэргүүлэгчдийн нарийн бичгийн дарга нар аймгийн Иргэдийн Төлөөлөгчдийн Хурлын ажлын албаны ажилтнууд, аймгийн Засаг даргын Тамгын газрын архивын тасгийн дарга В.Эрдэнэчимэг, Орон нутгийн өмчийн газрын дарга Т.Идэрмөнх, Цагдаагийн газрын төлөөлөл, Цагдаагийн газрын дэргэдэх иргэний зөвлөлийн тэргүүн Х/а Д.Жаргалсайхан нар  оролцов. Уулзалтын ажиллагааг нээж сумын ИТХ-ын дарга Х.Дагвадорж, сумын Засаг дарга Ж.Алтанцэцэг нар үг хэлэв. Дараа нь аймгийн Иргэдийн Төлөөлөгчдийн хурлын дарга Ц.Отгонбаяр туршлага солилцох уулзалтанд идэвх санаачлагатай оролцохыг уриалж ажлын амжилт хүсэв. Туршлага солилцох арга хэмжээний үндсэн асуудлын дагуу Бууцагаан сумын Иргэдийн Төлөөлөгч хурлын нарийн бичгийн дарга Д.Эрдэнэдалайгийн "Шинэ санаа ажлын амжилт"  2017-2018 онуудад хийгдсэн сумын ИТХ-ын үйл ажиллагааны эрх зүйн орчин бодлогын баримт бичиг боловсруулалт түүний хэрэгжүүлэлтийн талаар 40 минутын танилцуулга хийв.