Аймгийн удирдах ажилтны зөвлөгөө Баянхонгор аймгийн төвд болж сумдын удирдлага, албан байгууллагын удирдах ажилтан нар оролцов. Зөвлөгөөнд сумын ИТХ-ын дарга, нарийн бичгийн дарга нар оролцов. Удирдах ажилтны зөвлөгөөнөөс төрийн албан хаагчдын мөрдөж ажиллах андгай өргүүлэв. Аймгийн Иргэдийн Төлөөлөгчдийн Хурлын даргаас "Хүүхэд хамгаалал өв тэгш хүмүүжил" жил болгосон тухай мэдээлэл хийж, "Нутгийн өөрөө удирдах ёсны байгууллагын манлайлал иргэдийн оролцоог нэмэгдүүлэх" жилийн хүрээнд хийх зорилго зорилтуудыг тодорхойлж үүрэг чиглэл өгсөн бол Аймгийн Засаг даргаас орон нутагт төрийн байгууллагаас төрийн үйлчилгээг иргэдэд ил тод хүртээмжтэй, нээлтэй, хүнд сурталгүй үзүүлэх, төрийн ба орон нутгийн өмчийн хадгалалт хамгаалалтыг сайжруулах, төсвийн хөрөнгийг үр ашигтай зарцуулах, төрийн албан хаагчдын ажлын хариуцлагыг сайжруулах, төрийн хууль тогтоомж Улсын Их хурал, Засгийн газар, аймаг сумын ИТХ болон засаг даргаас гаргасан шийдвэрийг иргэдэд цаг алдалгүй шуурхай мэдээлж сурталчилах талаар 20 гаруй заалт бүхий үүрэг чиглэлийг өгөв. Зөвлөгөөн ажил хэрэгч болж иргэд рүүгээн хандсан олон чухал шийдвэр шийдэл гаргалаа