Тус сумын Иргэдийн Төлөөлөгчдийн Хурлаас иргэдийн дунд Төлөөллийн байгууллагын үйл ажиллагааг өргөнөөр сурталчилах, Төлөөлөгч болон тэргүүлэгчдийн мэдлэг чадварыг дээшлүүлэх, нутгийн өөрөө удирдах ёсны байгууллагын анхан шатны нэгж болсон багийн Иргэдийн Нийтийн Хурлын дарга Тэргүүлэгчдийн ажил хэрэгч байдлыг сайжруулах зорилгоор багийн Иргэдийн Нийтийн Хурлын даргаар дамжуулан "Нутгийн удирдлага" сэтгүүлийг 30 гаруй өрхөөр захиалуулж, тогтсон хугацаанд хүргэлт хийж байхаар тусгай журам гарган хэрэгжүүлж эхлэлээ. Цаашид "Нутгийн удирдлага" сэтгүүлийг ашиглан сумын Иргэдийн Төлөөлөгчдийн Хурал, зарим ажиллагаа сайтай багийн Иргэдийн Нийтийн Хурлын талаар тусгай булан болон нүүр гаргахаар ажлын хэсэг байгуулан ажиллаж байна.