Сумын Иргэдийн Төлөөлөгчдийн Хурлын ажлын албанаас багийн Иргэдийн Нийтийн Хурлын дарга нартай байгуулсан хамтран ажиллах гэрээнд "Өнөөгийн Баянхонгор" орон нутгийн сонинг баг бүрт 10-аас доошгүй айлаар захиалуулах нөхцлийн дагуу 2019 оны 01 дугаар сарын 27-ны өдрөөс эхлэн багуудад сонинг хүргэж эхлэсэн байна. Ийнхүү гэрээ байгуулсан нь иргэдэд аймаг, сумын түвшинд хийгдэж байгаа ажил, үйл ажиллагааг өргөн хүрээтэй сурталчилах, мэдээлэх нэг гол суваг гэж үзжээ. Аймгийн сонины газартай тохиролцсноор сонинг эхний ээлжинд зээлээр захиулуулж малчдын орлого өндөртэй 5,6 дугаар саруудад сонины үнийг жилээр төлөхөөр болжээ. Өнөөдөр хөдөө орон нутагт байгаа малчид тухайн аймаг сумын түвшинд хийгдэж байгаа ажлын талаар тэр бүр хангалттай мэдээлэл авдаггүй бөгөөд авах боломж ч хаалттай байсан энэ байдлыг өөрчилсөн нь иргэдийн санаанд хүрсэн ажил болж байна.