Тус сумын Иргэдийн Төлөөлөгчдийн Хурлын ажлын алба, Засаг даргын Тамгын газрын 16 албан хаагчдын бүрэлдэхүүнтэй ажлын хэсэг энэ сарын 13-22-ны өдрүүдэд Улаанбаатар, Дархан, Эрдэнэт хот Баянхонгор суманд оршин суугаа 400 орчим иргэдтээ улзалт золгуут хийсэн байна. Уулзалт золгуутын үед сумын Иргэдийн Төлөөлөгчдийн Хурлын дарга, Засаг дарга нараас сум орны ажил, өвөлжилт, цаг агаар, суманд хийгдэж байгаа хөрөнгө оруулалт, бүтээн босголтын ажлын талаар танилцуулж 2019 онд Баянхонгор аймагт сум сурталчилах 3 хоног зохион байгуулах талаар танилцуулж төр захиргаа, улс хоршоолол, аж ахуйн байгууллагад он удаан жил үр бүтээлтэй ажилласан өндөр настан А.Цэгмидэд аймгийн ИТХ-ын дээд одон "Соёрхол", Д.Гэрлээ, Н.Тарав нарт аймгийн ИТХ-ын "Хүндэтгэл" Д.Чулуунбаатарт "Сумын алдарт уяач" шагналуудыг гардуулав.