Сумын Иргэдийн Төлөөлөгчдийн Хурлын ажлын албанаас багийн ИНХ-ын дарга нартай байгуулсан хамтран ажиллах гэрээний эхний хагас жилийн ажлын гүйцэтгэлийг үнэлж дүгнэв. Ажлынхаа үзүүлэлтээр Баянбүрдний 4 дүгээр багийн ИНХ-ын дарга Н.Эрдэнэбаатар тэргүүлж Тэмээтийн 1 дүгээр багийн ИНХ-ын дарга Я.Бямбадолжин, Баянгийн 2 дугаар багийн ИНХ-ын дарга Г.Өсөхбаяр, Буянтын 6 дугаар багийн ИНХ-ын дарга Т.Хажидмаа дараалав. Хууль тогтоомж дээд шатны хурал болон өөрийн гаргасан шийдвэрийг сурталчилах, зохион байгуулах, хэрэгжилтэнд хяналт тавих, гэмт хэргээс урьдчилан сэргийлэх ажлыг багтаан зохион байгуулах, хүмүүнлэгийн арга хэмжээг өргөжүүлэх, архив, албан хэрэг хөтлөлтийн ажлыг сайжруулах, нутгийн өөрөө удирдах ёсны байгууллагын үйл ажиллагаанд иргэдийн оролцоог нэмэгдүүлэх, багийн Засаг даргын үйл ажиллагаанд үнэлэлт дүгнэлт үзүүлэх, иргэдийг төрийн одон медальд тодорхойлох зэрэг 26 төрлийн үзүүлэлтээр ажлыг дүгнэж 65-96 оноо авсан 4 багийн ИНХ-ын даргын сарын урамшууллыг 20 хувиар нэмэгдүүлж олгов.