Тус сумын Иргэдийн Төлөөлөгчдийн Хурлын ивээл дор байгуулагдсан Ерөнхий боловсролын дунд сургуулийн 21 хүүхдийн бүрэлдэхүүнтэй сурагчдын өөрөө удирдах ёсны байгууллага "Мини парламент"-ээс 500 гаруй сурагчдын дунд сарын хугацаатай сумын хэмжээнд нэн тэргүүнд хийж хэрэгжүүлэх ажлын талаар санал асуулга явуулж олонхийн санал авсан 12 төрлийн ажлын талаар сумын Иргэдийн Төлөөлөгчдийн Хурлын төлөөлөгч нарт мэдээлэл хүргүүлснийг хуралдаанаар авч хэлэлцэн 5-н заалт бүхий тогтоол гарган сумын Засаг дарга Ж.Алтанцэцэг, Сургуулийн захирал Ж.Ганцэцэг нарт хүргүүлэв. Сурагчдаас ирүүлсэн санал дотор сургуулийг автобустай болгох, байгаль орчноо хамгаалах, хүүхдийн хохирч байгаа эрхийг сэргээлгэх гэсэн сумын өмнө тулмагдсан олон асуудлыг хөндсөн байв.